ទំព័រមុខ » ព័ត៌មាន » ព័ត៌មានប្រចាំថ្ងៃ » អគ្គលេខាធិការដ្ឋានរដ្ឋសភាចូលរួមមរណទុក្ខជាមួយក្រុមគ្រួសារសពមាតា ឯកឧត្តម កែវ ពិសិដ្ឋ នាយកខុទ្ទកាល័យសម្តេចប្រធានរដ្ឋសភា
អគ្គលេខាធិការដ្ឋានរដ្ឋសភាចូលរួមមរណទុក្ខជាមួយក្រុមគ្រួសារសពមាតា ឯកឧត្តម កែវ ពិសិដ្ឋ នាយកខុទ្ទកាល័យសម្តេចប្រធានរដ្ឋសភា
រៀបរៀងដោយ ៖​ NA1472 ​ នៅថ្ងៃទី (2/11/2019 6:42:43 AM )

ឯកឧត្តម ឡេង ប៉េងឡុង អគ្គលេខាធិការរដ្ឋសភា នៅព្រឹកថ្ងៃទី១១ ខែកុម្ភៈ ឆ្នាំ២០១៩ បានដឹកនាំថ្នាក់ដឹកនាំ និងមន្រ្តីរាជការ នៃអគ្គលេខាធិការដ្ឋាន រដ្ឋសភា ចូលរួមគោរពវិញ្ញាណក្ខន្ធសព ឧបាសិកា ណាយ សោភាត់ ដែលត្រូវជាមាតា ឯកឧត្តម កែវ ពិសិដ្ឋ តំណាងរាស្រ្ត​មណ្ឌលខេត្តត្បូងឃ្មុំ និងជានាយកខុទ្ទកាល័យ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៅគេហដ្ឋានសព ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។

ឧបាសិកា ណាយ សោភាត់ បានទទួលមរណភាពកាលពីវេលាម៉ោង ៨ព្រឹក ថ្ងៃទី៩ ខែកុម្ភៈ ឆ្នាំ២០១៩ ក្នុងជន្មាយុ ៧៨ឆ្នាំ ដោយជរាពាធ ។ ឯកឧត្តម ឡេង ប៉េងឡុង និងមន្រ្តីរាជការនៃអគ្គលេខាធិការដ្ឋានរដ្ឋសភា បានចូលរួមរំលែកទុក្ខដ៏ក្រៀមក្រំនេះជាមួយគ្រួសារ ឯកឧត្តម កែវ ពិសិដ្ឋ

អត្ថបទ​ និងរូបភាព​ ដោយនាយកដ្ឋានព័ត៌មាន