អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » អ្នកតំណាងរាស្រ្តមណ្ឌលកំពង់ចាមអញ្ជើញចូលរួមបើកការពិនិត្យព្យាបាលជំងឺទូទៅជូនប្រជាពលរដ្ឋជាង២ពាន់នាក់ ដោយឥតគិតថ្លៃរបស់គ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន
អ្នកតំណាងរាស្រ្តមណ្ឌលកំពង់ចាមអញ្ជើញចូលរួមបើកការពិនិត្យព្យាបាលជំងឺទូទៅជូនប្រជាពលរដ្ឋជាង២ពាន់នាក់ ដោយឥតគិតថ្លៃរបស់គ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន
រៀបរៀងដោយ ៖​ NA1472 ​ នៅថ្ងៃទី (3/4/2018 7:12:40 AM )

នៅព្រឹកថ្ងៃសុក្រ ទី១រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២ ខែមិនា ឆ្នាំ២០១៨ ឯកឧត្តម ចាយ បូរិន អ្នកតំណាងរាស្រ្តមណ្ឌល ខេត្តកំពង់ចាម ឯកឧត្តមបណ្ឌិត ថេង ច័ន្ទសង្វារ អនុរដ្ឋលេខាធិការក្រសួងរៀបចំដែនដីនគរូបនីយកម្មនិងសំណង់ បានអញ្ជើញចូលរួមពិធីបើក ការពិនិត្យជំងឺទូទៅរបស់ក្រុមគ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា ជូនប្រជាពលរដ្ឋ ជាង២ពាន់នាក់ដោយឥតគិតថ្លៃ នៅវត្តវិហារខ្ពស់ ភូមិវិហារខ្ពស់ សង្កាត់ស្ទឹង ក្រុងសួង ខេត្តត្បូងឃ្មុំ។

បន្ទាប់ពីស្តាប់របាយការណ៍ដែលលើកឡើងដោយ ឯកឧត្តមវេជ្ជបណ្ឌិត កែវ វណ្ណះ ប្រធានក្រុមគ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន ស្តីពីសកម្មភាពរបស់ក្រុមគ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន បានសហការជាមួយអាជ្ញាធរមូលដ្ឋាន មន្ទីរសុខាភិបាល គ្រប់ខេត្ត ជាពិសេសដោយមានការចូលរួមសកម្មភាពពីសហភាពសហព័ន្ធយុវជនកម្ពុជា ក្នុងការជួយសម្របសម្រួលចុះធ្វើសកម្មភាពពិនិត្យព្យាបាល ជំងឺទូទៅជូនប្រជាពលរដ្ឋគ្រប់រូបដោយឥតគិតថ្លៃ និងមិនប្រកាន់និន្នាការនយោបាយ ពូជសាសន៍ឬសាសនាឡើយ។ ឯកឧត្តម ចាយ បូរិន បាន សំដែងនូវការកោតសរសើរ និងថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន ទាំងអស់ ដែល ដឹកនាំដោយ ឯកឧត្តមវេជ្ជបណ្ឌិត កែវ វណ្ណះ ព្រមទាំងបុគ្គលិកមន្ទីរសុខាភិបាលខេត្តត្បូងឃ្មុំទាំងអស់ ដែលមានជំហរលះបង់ខ្ពស់ ហើយបានខិតខំ ប្រឹងប្រែងយកចិត្តទុកដាក់ពិនិត្យព្យាបាលជំងឺទូទៅជូនប្រជាពលរដ្ឋគ្រប់វ័យបានយ៉ាងល្អប្រសើរ។

ឯកឧត្តម ចាយ បូរិន ក៏បានសំណូមពរដល់អាជ្ញាធរ និងសមត្ថកិច្ចគ្រប់លំដាប់ថ្នាក់ ជួយបង្កលក្ខណៈងាយស្រួលដល់ក្រុមគ្រូពេទ្យស្ម័គ្រចិត្ត សម្តេច អគ្គមហាពញាចក្រី ហេង សំរិន បានបន្តសកម្មភាពពិនិត្យព្យាបាលជម្ងឺជាលក្ខណៈមនុស្សធម៌គ្រប់ទីកន្លែង លើប្រជាជនកម្ពុជាគ្រប់រូបដោយមិន ប្រកាន់និន្នាការនយោបាយពូជសាសន៍ឬសាសនាឡើយ ព្រោះសកម្មភាពទាំងនេះជាសកម្មភាពបំពេញបន្ថែមនូវសេវាសាធារណៈរបស់រដ្ឋ។ ឯកឧត្តម ចាយ បូរិន ក៏បានបញ្ជាក់ផងដែរថា ក្រៅពីក្រុមគ្រូពេទ្យស្ម័គ្រចិត្ត សម្តេចអគ្គមហាពញាចក្រី ហេង សំរិន យើងក៏មានក្រុមគ្រូពេទ្យស្ម័គ្រចិត្តយុវជន តេជោសែន TY DA (ធីដា) ក្រុមគ្រូពេទ្យស្ម័គ្រចិត្តដែលដឹកនាំដោយ ឯកឧត្តមបណ្ឌិត ហ៊ុន ម៉ាណែត ក្រុមគ្រូពេទ្យសហភាពសហព័ន្ធយុវជនកម្ពុជា ដឹកនាំដោយ ឯកឧត្តម ហ៊ុន ម៉ានី នឹងក្រុមគ្រូពេទ្យស្ម័គ្រចិត្តផ្សេងៗជាច្រើនទៀត បានធ្វើសកម្មភាពចុះពិនិត្យព្យាបាលជម្ងឺទូទៅដោយឥតគិតថ្លៃ ទូទាំង២៥រាជធានីខេត្ត។

អ្នកតំណាងរាស្រ្តក៏បានផ្តាំផ្ញើដល់ប្រជាពលរដ្ឋដែលមកពិនិត្យព្យបាលជម្ងឺទាំងអស់ ពេលត្រឡប់ទៅកាន់លំនៅដ្ឋានរៀងៗខ្លួនវិញ ត្រូវយកចិត្តទុកដាក់ ថែទាំសុខភាពតាមការណែនាំរបស់គ្រូពេទ្យ។ ដោយឡែកចំពោះបងប្អូនយើង ដែលមិនទាន់មានជម្ងឺដង្កាត់អ្វីមកបៀតបៀន ហើយបើសិនជាមាន អាការៈមិនស្រួលខ្លួន ឬមានបញ្ហាឧបទ្ទវហេតុអ្វីប៉ះពាល់ដល់រាងកាយខ្លួន ត្រូវទៅរកមន្ទីរពេទ្យដែលនៅជិតលំនៅដ្ឋានរបស់បងប្អូន មុននឹងទៅរក គ្រូពេទ្យជំនាញ។ ឯកឧត្តម ចាយ បូរិន ក៏បានអំពាវនាវដល់បងប្អូនប្រជាពលរដ្ឋទាំងអស់ ត្រូវរក្សាអនាម័យអោយបានល្អ ពោលគឺការរស់នៅស្អាត ហូបស្អាត ផឹកស្អាត ដើម្បីការពារនូវជម្ងឺឆ្លងផ្សេងៗ។ នៅក្នុងពិធីដ៏មានអត្ថន័យនេះដែរ ឯកឧត្តម ចាយ បូរិន ក៏បានអញ្ជើញសំណេះសំណាល​សាកសួរសុខទុក្ខប្រជាពលរដ្ឋដែលអញ្ជើញមកពិនិត្យព្យាបាលជម្ងឺ និងស្វែងយល់ពីជម្ងឺផ្សេងៗ ដែលតែងតែកើតមានចំពោះបងប្អូនប្រជាជនយើងនៅ តាមជនបទ ដើម្បីរិះរកវិធានការទប់ស្កាត់កុំអោយកើតមានឡើងតទៅទៀត៕

អត្ថបទនិងរូបភាពដោយនាយកដ្ឋានព័ត៌មាន