សមាជិករដ្ឋសភា មន្រ្តីរាជការជូនពរសម្តេចប្រធានរដ្ឋសភាក្នុងឱកាសចម្រើនជន្មាយុ__ លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ ប្រជាពលរដ្ឋមកពីខេត្តក្រចេះសុំអន្តរាគមន៍ពីរដ្ឋសភាដោះស្រាយបញ្ហាដីធ្លី__ គណៈកម្មការជំនាញនៃរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្រ្តី__ ឯកឧត្តមបណ្ឌិតរដ្ឋ ជាម យៀប ស្នើសុំអោយការិយាល័យសវនកម្មប្រទេសស៊ុយអ៊ែត បន្ត​ជួយបណ្តុះបណ្តាលធនធានមនុស្សកម្ពុជាលើវិស័យសវនកម្ម__ ឯកឧត្តម ហ៊ុន ណេង ដឹកនាំកិច្ចប្រជុំផ្ទៃក្នុងគណៈកម្មការ ដើម្បីពិនិត្យសិក្សាលើសេចក្ដីព្រាងច្បាប់ស្ដីពីសញ្ជាតិ__ គណៈកម្មការនីតិកម្ម និងយុត្តិធម៌ ពិនិត្យសិក្សាលើសេចក្តីព្រាងច្បាប់ស្តីពីការរៀបចំ​ និងការប្រព្រឹត្តទៅនៃ គណៈរដ្ឋមន្រ្តី ៕


ទំព័រមុខ » គណៈកម្មការទី៤ » សកម្មភាព » ស្ពាន​កោះ​ប៉ែន​ នៅខេត្តកំពង់ចាម សាងសង់ជិតរួចរាល់ និងដាក់ឲ្យពលរដ្ឋប្រើប្រាស់ជាផ្លូវការឆាប់ៗនេះ
ស្ពាន​កោះ​ប៉ែន​ នៅខេត្តកំពង់ចាម សាងសង់ជិតរួចរាល់ និងដាក់ឲ្យពលរដ្ឋប្រើប្រាស់ជាផ្លូវការឆាប់ៗនេះ
រៀបរៀងដោយ ៖​ NA1472 ​ នៅថ្ងៃទី (9/4/2017 12:41:27 AM )

តាមគម្រោងការសាងសង់ស្ពានកោះប៉ែន នឹងរួចរាល់ជាស្ថាពរ នៅដើមឆ្នាំ២០១៨នេះ។ នៅព្រឹកថ្ងៃទី២ ខែកញ្ញា ឆ្នាំ២០១៧ ឯកឧត្តម ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា និងជាតំណាងរាស្រ្តមណ្ឌលខេត្តកំពង់ចាម បានអញ្ជើញពិនិត្យដំណើរការសាងសង់ស្ពានកោះប៉ែននេះ និងបានចូលរួមអបអរសាទរជាមួយប្រជាពលរដ្ឋ ដែលទទួលបានចំណងដៃដ៏ថ្លៃថ្លានេះ ពីរាជរដ្ឋាភិបាល។

ស្ពានកោះប៉ែនមានប្រវែង៧៧៩ម៉ែត្រ ចាប់ផ្តើមសាងសង់ កាលពីខែឧសភា ឆ្នាំ២០១១ និងជាគំនិតផ្តួចផ្តើម​សាងសង់ដោយ ​ឯកឧត្តម ហ៊ុន ណេង ដែលកាលនោះ ឯកឧត្តមជា​អភិបាលខេត្ត​កំពង់ចាម និងមានការគំាទ្រពីប្រមុខរាជរដ្ឋាភិបាល។

ក្នុងពេលអញ្ជើញចុះពិនិត្យការសាងសង់ស្ពាន នៅក្នុងដំណាក់កាលចុងក្រោយនេះ ឯកឧត្តម ហ៊ុន ណេង បានមានប្រសាសន៍ថា នេះជាសមិទ្ធផលថ្មី មួយទៀតរបស់ខេត្តកំពង់ចាម។ សមិទ្ធផលនេះ មានសារៈសំខាន់ណាស់ ក្នុងការលើកកម្ពស់ជីវភាព សម្រួលការលំបាករបស់ពលរដ្ឋក្នុងការធ្វើដំណើរ ដែលកាលពីមុនត្រូវឆ្លងទូក ឆ្លងស្ពានឬស្សី កាត់ទន្លេ ដែលពេលខ្លះអាចជួបគ្រោះថ្នាក់ទៀតផង។

សូមជម្រាបថា ស្ពានកោះប៉ែនជាសរសៃឈាម ភ្ជាប់ការរស់នៅរបស់ពលរដ្ឋក្នុងឃុំកោះមិត្ត ឬហៅថាកោះប៉ែន ក្នុងស្រុកកំពង់សៀម មកទីរួមខេត្ត កំពង់ចាម។ នៅពេលពុំទាន់មានស្ពាននេះ ប្រជាពលរដ្ឋរស់នៅលើកោះ បានជួបការលំបាកយ៉ាងខ្លំាង ក្នុងការធ្វើដំណើរ ពិសេសនៅរដូវវស្សា។ ប្រជាពលរដ្ឋដែលកំពុងរស់នៅលើកោះប៉ែន មានក្តីសប្បាយរីករាយយ៉ាងក្រៃលែង នៅពេលឃើញសមិទ្ធផលដែលពួកគាត់ត្រូវការជាចំាបាច់នេះ លេចរូបរាងឡើង នៅពេលនេះ និងបានសម្ពោធដាក់ឲ្យប្រើប្រាស់ជាផ្លូវការក្នុងពេលឆាប់ៗ ខាងមុខនោះ៕

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh គេហទំព័រ www.national-assembly.org.kh, www.nac.org.kh