សមាជិករដ្ឋសភា មន្រ្តីរាជការជូនពរសម្តេចប្រធានរដ្ឋសភាក្នុងឱកាសចម្រើនជន្មាយុ__ លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ ប្រជាពលរដ្ឋមកពីខេត្តក្រចេះសុំអន្តរាគមន៍ពីរដ្ឋសភាដោះស្រាយបញ្ហាដីធ្លី__ គណៈកម្មការជំនាញនៃរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្រ្តី__ ឯកឧត្តមបណ្ឌិតរដ្ឋ ជាម យៀប ស្នើសុំអោយការិយាល័យសវនកម្មប្រទេសស៊ុយអ៊ែត បន្ត​ជួយបណ្តុះបណ្តាលធនធានមនុស្សកម្ពុជាលើវិស័យសវនកម្ម__ ឯកឧត្តម ហ៊ុន ណេង ដឹកនាំកិច្ចប្រជុំផ្ទៃក្នុងគណៈកម្មការ ដើម្បីពិនិត្យសិក្សាលើសេចក្ដីព្រាងច្បាប់ស្ដីពីសញ្ជាតិ__ គណៈកម្មការនីតិកម្ម និងយុត្តិធម៌ ពិនិត្យសិក្សាលើសេចក្តីព្រាងច្បាប់ស្តីពីការរៀបចំ​ និងការប្រព្រឹត្តទៅនៃ គណៈរដ្ឋមន្រ្តី ៕


ទំព័រមុខ » គណៈកម្មការទី៤ » សកម្មភាព » ឯកឧត្តម ហ៊ុន ណេង ប្រជុំពិនិត្យ សិក្សាការងារសន្តិសុខ សម្រាប់រៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី(APA)
ឯកឧត្តម ហ៊ុន ណេង ប្រជុំពិនិត្យ សិក្សាការងារសន្តិសុខ សម្រាប់រៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី(APA)
រៀបរៀងដោយ ៖​ NA1472 ​ នៅថ្ងៃទី (8/31/2017 12:28:17 AM )

នៅព្រឹកថ្ងៃទី៣១ ខែសីហា ឆ្នាំ២០១៧ ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា និងជា ប្រធានអនុគណៈកម្មការទទួលបន្ទុកផ្នែកសន្តិសុខ សម្រាប់រៀបចំកិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី​(APA) ព្រមទាំងសមាជិក សមាជិកាគណៈកម្មការ បានជួបប្រជុំជាមួយ ឯកឧត្តមឧត្តមសេនីយ៍ឯក ទូច ណារ៉ុថ អគ្គស្នងការរងនគរបាលជាតិ និងជាប្រធាននាយកដ្ឋាន អង្គរក្ស ព្រមទាំងអាជ្ញាធរពាក់ព័ន្ធមួយចំនួនទៀតនៅវិមានរដ្ឋសភា។

ឯកឧត្តម ហ៊ុន ណេង បានមានប្រសាសន៍ថា កិច្ចប្រជុំនាពេលនេះគឺដើម្បីពិភាក្សាគ្នាលើរបៀបវារៈការងារដែលត្រូវអនុវត្ត និងផ្សព្វផ្សាយសេចក្តីសម្រេច ស្តីពីការបង្កើតអនុគណៈកម្មការទទួលបន្ទុកផ្នែកសន្តិសុខ និងការដាក់ផែនការរៀបចំការពារសន្តិសុខសណ្តាប់ធ្នាប់ របៀបរៀបរយជូនដល់គណៈប្រតិភូ ដែលអញ្ជើញមកចូលរួម កិច្ចប្រជុំក្រុមប្រឹក្សាប្រតិបត្តិលើកទី១ នៃសភាតំបន់អាស៊ី(APA) ដែលសភាកម្ពុជាជាអ្នករៀបចំ ចាប់ពីថ្ងៃទី០១ ដល់ថ្ងៃទី០៤ ខែតុលា ឆ្នាំ២០១៧ នៅសណ្ឋាគារសុខាភ្នំពេញ និងរ៉េស៊ីដង់ ។

នៅក្នុងឱកាសនោះដែរ ឯកឧត្តម ហ៊ុន ណេង ក៏បានជំរុញនិងផ្ដាំផ្ញើឱ្យអាជ្ញាធរពាក់ព័ន្ធ និងកងកម្លំាងប្រដាប់អាវុធទំាងអស់ ត្រូវខិតខំយកចិត្តទុកដាក់ បំពេញតួនាទីរបស់ខ្លួនអោយបានល្អ ដើម្បីឲ្យដំណើរការនៃកិច្ចប្រជុំនាពេលខាងមុខប្រព្រឹត្តទៅដោយរលូន និងទទួលបានជោគជ័យ។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh គេហទំព័រ www.national-assembly.org.kh, www.nac.org.kh