អនុប្រធានសភាឌូម៉ា សហព័ន្ធរុស្ស៊ីសរសើរខ្លឹមសារកិច្ចប្រជុំសមាជិកសភាស្រ្តី APPF នៅកម្ពុជា__ ឯកឧត្ដមបណ្ឌិត ងួន ញ៉ិល បន្តដឹកនាំកិច្ចប្រជុំពេញអង្គវគ្គទី២ នៃកិច្ចប្រជុំAPPF លើកទី២៧ ដោយបន្តការពិភាក្សាលើវិស័យសេដ្ឋកិច្ច និងពាណិជ្ជកម្ម__ សម្តេចអគ្គមហាពញាចក្រី ហេង សំរិន ទទួលជួបពិភាក្សាការងារជាមួយប្រធានរដ្ឋសភាវៀតណាម__ សម្តេចប្រធានរដ្ឋសភាទទួលជួបពិភាក្សាការងារជាមួយអនុប្រធានសភាតំណាងប្រជាជនចិន__ លោកជំទាវ ឃួន សុដារី៖ វត្តមានរបស់គណៈប្រតិភូព្រឹទ្ធសភាសហរដ្ឋម៉ិកស៊ិចនៅពេលនេះ ជាស្ពានផ្សារភ្ជាប់រវាងអាមេរិចឡាទីន និងអាស៊ី-ប៉ាស៊ីហ្វិក__ កិច្ចប្រជុំពេញអង្គលើកទី១នៃកិច្ចប្រជុំAPPF លើកទី២៧ ផ្ដោតការពិភាក្សាគ្នាលើវិស័យនយោបាយ និងសន្តិសុខ__ វេទិកាសភាអាស៊ី-ប៉ាស៊ីហ្វិក លើកទី២៧ បានប្រារព្ធពិធីបើកកិច្ចប្រជុំជាផ្លូវការនៅលើទឹកអង្គរ ខេត្តសៀមរាប__ សម្តេចអគ្គមហាពញាចក្រី ហេង សំរិន៖ កាតព្វកិច្ច APPF បង្កើតចក្ខុវិស័យច្បាស់លាស់មួយ ក្នុងការកសាងសន្តិភាព និងវិបុលភាព សម្រាប់មនុស្សជំនាន់ក្រោយ__ សម្ដេច ហេង សំរិន៖ គោលបំណងរួមរបស់APPF គឺការកសាងតំបន់អាស៊ី-ប៉ាស៊ីហ្វិកឱ្យទៅជាតំបន់មួយដែលមានសុខសន្តិភាព ស្ថិរភាព វឌ្ឍនភាព និងភាពសុខដុមរមនា__ សម្តេចអគ្គមហាពញាចក្រី ហេង សំរិន ផ្តល់អនុសាសន៍មួយចំនួន ដល់សមាជិកសភាស្រ្តី APPF ដើម្បីលើកកម្ពស់សមភាពយ៉េនឌ័រ__ លោកជំទាវ ឃួន សុដារី ទទួលជួបសវនាការជាមួយគណៈប្រតិភូសភាជាន់ខ្ពស់សភាឌូម៉ា នៃសហព័ន្ធរុស្ស៊ី__ ឯកឧត្ដម ឡេង ប៉េងឡុង ផ្ដល់ព័ត៌មានបន្ថែមដល់ក្រុមជំនួយការគណៈប្រតិភូសមាជិក(APPF) ទាំងអស់ អំពីដំណើរការកម្មវិធីនៃកិច្ចប្រជុំ(APPF)លើកទី២៧__ រដ្ឋសភាកម្ពុជាឡាវចុះអនុស្សរណៈយោគយល់ពង្រឹងកិច្ចសហប្រតិបត្តិការ__ សម្តេចអគ្គមហាពញាចក្រី ហេង សំរិន ដឹកនាំកិច្ចប្រជុំគណៈកម្មាធិការប្រតិបត្តិវេទិកាសភាអាស៊ី-ប៉ាស៊ីហ្វិកលើកទី២៧__ គណៈប្រតិភូបរទេសបានអញ្ជើញមកដល់កម្ពុជាបណ្តើរៗហើយ ដើម្បីចូលរួមកិច្ចប្រជុំវេទិកាសភាអាស៊ី-ប៉ាស៊ីហ្វិក លើកទី២៧ (APPF-27)__ អគ្គលេខាធិការដ្ឋានរដ្ឋសភាបួងសួងសូមម្ចាស់ទឹកដីអង្គរឲ្យដំណើរការកិច្ចប្រជុំលើកទី២៧ APPF ប្រព្រឹត្តទៅដោយរលូន និងជោគជ័យ ៕


ទំព័រមុខ » គណៈកម្មការទី៩ » សកម្មភាព » គណៈកម្មការជំនាញរដ្ឋសភាជួបជាមួយរដ្ឋមន្រ្តីក្រសួងឧស្សាហកម្ម ដើម្បីពិនិត្យសិក្សា សេចក្តីព្រាងច្បាប់ចំនួនពីរ ដែលរាជរដ្ឋាភិបាលសុំរដ្ឋសភាអនុម័ត
គណៈកម្មការជំនាញរដ្ឋសភាជួបជាមួយរដ្ឋមន្រ្តីក្រសួងឧស្សាហកម្ម ដើម្បីពិនិត្យសិក្សា សេចក្តីព្រាងច្បាប់ចំនួនពីរ ដែលរាជរដ្ឋាភិបាលសុំរដ្ឋសភាអនុម័ត
រៀបរៀងដោយ ៖​ NA1472 ​ នៅថ្ងៃទី (8/27/2017 6:56:03 PM )

គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា ដឹកនាំដោយ លោកជំទាវ និន សាផុន នៅថ្ងៃទី២៤ ខែសីហា ឆ្នាំ២០១៧ បានជួបពិភាក្សាការងារជាមួយ ឯកឧត្តម ចម ប្រសិទ្ធ រដ្ឋមន្រ្តី ក្រសួងឧស្សាហកម្ម និងសិប្បកម្ម នៅវិមានរដ្ឋសភា ដើម្បីពិនិត្យ សិក្សា សេចក្តីព្រាងច្បាប់ចំនួនពីរ ដែលរាជរដ្ឋាភិបាលបានស្នើសុំរដ្ឋសភា ពិភាក្សា និងអនុម័ត។

សេចក្តីព្រាងច្បាប់ទំាងពីរដែលត្រូវពិនិត្យសិក្សានៅពេលនេះមាន សេចក្តីព្រាងច្បាប់ ស្តីពី ការអនុម័តយល់ព្រមលើកិច្ចព្រមព្រៀងស្តីពីការទទួលស្គាល់ សុពលភាពនៃប្រកាសនីយបត្រតក្កកម្មអឺរ៉ុបរវាងរាជរដ្ឋាភិបាលនៃព្រះរាជាណាចក្រកម្ពុជា និងស្ថាប័នប្រកាសនីយបត្រតក្កកម្មអឺរ៉ុប។សេចក្តីព្រាងច្បាប់ មួយទៀត គឺសេចក្តីព្រាងច្បាប់ស្តីពី វិសោធនកម្មមាត្រា៣៧ មាត្រា៣៨ មាត្រា១០៩ និងមាត្រា១៣៦ នៃច្បាប់ស្តីពីប្រកាសនីយបត្រតក្កកម្ម វិញ្ញាបនបត្រម៉ូដែលមានអត្ថប្រយោជន៍ និងគំនូរឧស្សាហកម្ម ដែលត្រូវប្រកាសឲ្យប្រើដោយ ព្រះរាជក្រមលេខ នស/រកម/០១០៣/០០៥ ចុះថ្ងៃទី២២ ខែមករា ឆ្នាំ២០០៣។

ឯកឧត្តមរដ្ឋមន្រ្តីក្រសួងឧស្សាហកម្ម និងសិប្បកម្ម បានគូសបញ្ជាក់ថា សេចក្តីព្រាងច្បាប់ទំាងពីរនេះ មានសារៈសំខាន់ណាស់ ក្នុងការជំរុញកំណើន សេដ្ឋកិច្ចកម្ពុជា និងជាយន្តការមួយសម្រាប់ទាក់ទាញអ្នកវិនិយោគបរទេសផងដែរ។ ឯកឧត្តម ចម ប្រសិទ្ធ បានលើកឡើងថា សេចក្តីព្រាងច្បាប់ស្តីពី វិសោធនកម្មមាត្រា៣៧ មាត្រា៣៨ មាត្រា១០៩ និងមាត្រា១៣៦ នៃច្បាប់ស្តីពីប្រកាសនីយបត្រតក្កកម្មវិញ្ញាបនបត្រម៉ូដែល មានអត្ថប្រយោជន៍ និងគំនូរ ឧស្សាហកម្ម ដែលត្រូវប្រកាសឲ្យប្រើដោយព្រះរាជក្រមលេខ នស/រកម/០១០៣/០០៥ ចុះថ្ងៃទី២២ ខែមករា ឆ្នាំ២០០៣ គឺជាយន្តការសម្រាប់លើក ទឹកចិត្តចំពោះការច្នៃប្រឌិតថ្មី និងការស្រាវជ្រាវ ការអភិវឌ្ឍ វិទ្យាសាស្ត្រ បច្ចេកវិជ្ជា ពាណិជ្ជកម្ម។ ច្បាប់នេះនឹងលើកទឹកចិត្ត ការធ្វើពាណិជ្ជកម្មក្នុង និងក្រៅប្រទេស។

ឯកឧត្តមបានបន្តទៀតថា ចំពោះសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងស្តីពីការទទួលស្គាល់សុពលភាព នៃប្រកាសនីយបត្រ តក្កកម្មអឺរ៉ុប រវាងរាជរដ្ឋាភិបាលនៃព្រះរាជាណាចក្រកម្ពុជា និងស្ថាប័នប្រកាសនីយបត្រតក្កកម្មអឺរ៉ុបនោះ គឺជាឯកសារមួយដែលបានចុះហត្ថលេខានៅ រាជធានីភ្នំពេញ នាថ្ងៃទី២៣ ខែមករា ឆ្នាំ២០១៧ ត្រូវបានបង្កើតឡើងក្នុងគោលបំណង ដើម្បីទទួលស្គាល់សុពលភាពប្រកាសនីយបត្រតក្កកម្មអឺរ៉ុបនៅ កម្ពុជា បង្កើនពាក្យសុំការការពារកម្មសិទ្ធិបញ្ញារវាងកម្ពុជា និងសហភាពអឺរ៉ុប ក្នុងការទាក់ទាញការវិនិយោគ និងពង្រីកមូលដ្ឋានផលិតកម្ម ដើម្បីរួម ចំណែកពង្រឹងការអភិវឌ្ឍសេដ្ឋកិច្ចកម្ពុជា និងការធ្វើសមាហរណកម្មសេដ្ឋកិច្ចកម្ពុជាទៅក្នុងប្រព័ន្ធសេដ្ឋកិច្ចពិភពលោក។

សេចក្តីព្រាងច្បាប់ ស្តីពីការអនុម័តយល់ព្រមលើ កិច្ចព្រមព្រៀងស្តីពីការទទួលស្គាល់សុពលភាព នៃប្រកាសនីយបត្រតក្កកម្មអឺរ៉ុប រវាងរាជរដ្ឋាភិបាល នៃព្រះរាជាណាចក្រកម្ពុជា និងស្ថាប័នប្រកាសនីយបត្រតក្កកម្មអឺរ៉ុប មាន៣មាត្រា និងអមដោយកិច្ចព្រមព្រៀងស្តីពីការទទួលស្គាល់សុពលភាព នៃ ប្រកាសនីយបត្រតក្កកម្មអឺរ៉ុប រវាងរាជរដ្ឋាភិបាលនៃព្រះរាជាណាចក្រកម្ពុជា នឹងអង្គភាពប្រកាសនីយបត្រតក្កកម្មអឺរ៉ុបភ្ជាប់ជាមួយផង។

លោកជំទាវ និន សាផុន គណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា បានវាយតម្លៃខ្ពស់ ចំពោះការខិតខំកសាងសេចក្តីព្រាងច្បាប់ទំាងពីរនេះឡើងរបស់រាជរដ្ឋាភិបាល ពិសេស សាមីក្រសួង គឺក្រសួងឧស្សាហកម្ម និងសិប្បកម្ម ដែលបានចូលរួមចំណែកយ៉ាងសកម្មជាមួយរាជរដ្ឋាភិបាល ក្នុងការលើកកម្ពស់កំណើនសេដ្ឋកិច្ច ជាតិ។

ក្នុងនាមគណៈកម្មការជំនាញរដ្ឋសភា លោកជំទាវ បានគំាទ្រសេចក្តីព្រាងច្បាប់ទំាងពីរនេះ។ លោកជំទាវ និន សាផុន បានគូសបញ្ជាក់ថា បន្ទាប់ពីបាន សិក្សាយ៉ាងលម្អិត ស្របតាមច្បាប់ និងនីតិវិធីហើយ គណៈកម្មការនឹងបញ្ជូនសេចក្តីព្រាងច្បាប់ទំាងពីរនេះ ទៅកាន់គណៈកម្មាធិការអចិន្រ្តៃយ៍រដ្ឋសភា វិញ ដើម្បីពិនិត្យ សម្រេចបញ្ចូលក្នុងរបៀបវារៈសម័យប្រជុំរដ្ឋសភា៕

អត្ថបទនិងរូបភាពដោយនាយកដ្ឋានព័ត៌មាន