សមាជិករដ្ឋសភា មន្រ្តីរាជការជូនពរសម្តេចប្រធានរដ្ឋសភាក្នុងឱកាសចម្រើនជន្មាយុ__ លិខិតជូនពរ សូមគោរពជូន សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា__ ប្រជាពលរដ្ឋមកពីខេត្តក្រចេះសុំអន្តរាគមន៍ពីរដ្ឋសភាដោះស្រាយបញ្ហាដីធ្លី__ គណៈកម្មការជំនាញនៃរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្រ្តី__ ឯកឧត្តមបណ្ឌិតរដ្ឋ ជាម យៀប ស្នើសុំអោយការិយាល័យសវនកម្មប្រទេសស៊ុយអ៊ែត បន្ត​ជួយបណ្តុះបណ្តាលធនធានមនុស្សកម្ពុជាលើវិស័យសវនកម្ម__ ឯកឧត្តម ហ៊ុន ណេង ដឹកនាំកិច្ចប្រជុំផ្ទៃក្នុងគណៈកម្មការ ដើម្បីពិនិត្យសិក្សាលើសេចក្ដីព្រាងច្បាប់ស្ដីពីសញ្ជាតិ__ គណៈកម្មការនីតិកម្ម និងយុត្តិធម៌ ពិនិត្យសិក្សាលើសេចក្តីព្រាងច្បាប់ស្តីពីការរៀបចំ​ និងការប្រព្រឹត្តទៅនៃ គណៈរដ្ឋមន្រ្តី ៕


ទំព័រមុខ » គណៈកម្មការទី៦ » សកម្មភាព » ឯកឧត្តមបណ្ឌិត ប៉ែន បញ្ញា ប្រជុំពិនិត្យសម្រេចនូវឯកសារត្រៀមសម្រាប់កិច្ចប្រជុំសភានិយាយភាសាបារាំង(APF) ដែលសភាកម្ពុជាធ្វើជាម្ចាស់ផ្ទះ នាខែកញ្ញា ឆ្នាំ២០១៧ ខាងមុខ
ឯកឧត្តមបណ្ឌិត ប៉ែន បញ្ញា ប្រជុំពិនិត្យសម្រេចនូវឯកសារត្រៀមសម្រាប់កិច្ចប្រជុំសភានិយាយភាសាបារាំង(APF) ដែលសភាកម្ពុជាធ្វើជាម្ចាស់ផ្ទះ នាខែកញ្ញា ឆ្នាំ២០១៧ ខាងមុខ
រៀបរៀងដោយ ៖​ NA1472 ​ នៅថ្ងៃទី (8/2/2017 6:42:46 PM )

ឯកឧត្តមបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា និងជាអនុប្រធានសភាជាតិកម្ពុជា(APF) បានដឹកនាំកិច្ចប្រជុំ ពិនិត្យទៅលើឯកសារនានា សម្រាប់ត្រៀមរៀបចំកិច្ចប្រជុំ សភានិយាយភាសាបារាំង(APF) តំបន់អាស៊ី-ប៉ាស៊ីហ្វិក លើកទី៨ ដែលសភានៃព្រះរាជា ណាចក្រកម្ពុជា ធ្វើជាម្ចាស់ផ្ទះ ចាប់ពីថ្ងៃទី០៥ ដល់ថ្ងៃទី០៨ ខែកញ្ញា ឆ្នាំ២០១៧ខាងមុខ នៅខេត្តព្រះសីហនុ។

កិច្ចប្រជុំដែលបានរៀបចំធ្វើនៅវិមានរដ្ឋសភា នាព្រឹកថ្ងៃទី០២ ខែសីហា ឆ្នាំ២០១៧នេះ មានការអញ្ជើញចូលរួមពី ឯកឧត្តម ប៉ុល ហំម ប្រធាន គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹកនៃ​រដ្ឋសភា និង ឯកឧត្តម ឡេង ប៉េងឡុង អគ្គលេខាធិការ រដ្ឋសភា ព្រមទាំងសមាជិកក្រុមការងារសភាជាតិកម្ពុជា(APF) ។

ឯកឧត្តមបណ្ឌិត ប៉ែន បញ្ញា បានមានប្រសាសន៍ថា កិច្ចប្រជុំនាថ្ងៃនេះ គឺផ្តោតជាសំខាន់ទៅលើ ការត្រៀមរៀបចំសម្រាប់ដំណើរការកិច្ចប្រជុំ និង ការស្វាគមន៍ដំណើរមកដល់របស់គណៈប្រតិភូ នៃសភានិយាយភាសាបារាំង ដែលនឹងអញ្ជើញមកចូលរួម កិច្ចប្រជុំសភានិយាយភាសាបារាំង(APF) តំបន់អាស៊ី-ប៉ាស៊ីហ្វិក លើកទី៨។ រីឯប្រធានបទសម្រាប់កិច្ចប្រជុំសភានិយាយភាសាបារាំង(APF)លើកនេះ គឺផ្ដោតលើគោលដៅអភិវឌ្ឍន៍ប្រកប ដោយចីរភាពឆ្នាំ២០១៥-២០៣០ និងកិច្ចសហប្រតិបត្តិការរវាងប្រទេសក្នុងតំបន់ ក្នុងគោលដៅធានាសន្តិភាព និងការអភិវឌ្ឍប្រកបដោយចីរភាព ។

លោក ហេង រដ្ឋា ប្រធាននាយកដ្ឋានស្រាវជ្រាវកិច្ចការអន្តរជាតិ និងជាលេខាធិការរដ្ឋបាលក្រុមសភាជាតិកម្ពុជា បានជម្រាបជូនអង្គប្រជុំអំពីដំណើរ ការរៀបចំបែងចែកកម្មវិធី និងរបៀបវារៈ ទៅតាមអ្វីដែលក្រុមសមាជិកសភា(APF) បានឯកភាពគ្នានាពេលកន្លងមក ទាំងរបាយការណ៍សកម្មភាព ប្រទេសសមាជិកតំបន់អាស៊ី-ប៉ាស៊ីហ្វិក និងសកម្មភាពសម្រាប់អនាគតរបស់ តំបន់អាស៊ី-ប៉ាស៊ីហ្វិក ដែលនឹងត្រូវលើកមកពិភាក្សា និងអនុម័តក្នុង កិច្ចប្រជុំនាពេលខាងមុខ។​

បន្ទាប់ពីបានស្ដាប់នូវរបាយការណ៍ពីក្រុមការងារនានា ដែលបានជម្រាបជូនរួចមក ឯកឧត្តមបណ្ឌិត ប៉ែន បញ្ញា បានសម្រេចឯកភាពទាំងស្រុងទៅលើ សេចក្តីព្រាងនៃកិច្ចប្រជុំសភានិយាយភាសាបារាំង(APF) តំបន់អាស៊ី-ប៉ាស៊ីហ្វិក លើកទី៨ ដែលសភានៃព្រះរាជាណាចក្រកម្ពុជា ត្រូវធ្វើជាម្ចាស់ផ្ទះ នេះ។

អត្ថបទនិងរូបភាពដោយនាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh គេហទំព័រ www.national-assembly.org.kh, www.nac.org.kh