ឯកឧត្តម ឈាង វុន អំពាវនាវដល់ប្រជាពលរដ្ឋ​ ប្រើប្រាស់សិទ្ធិអំណាចខ្លួនជ្រើសរើសមេដឹកនាំតាមរយៈការបោះឆ្នោត__ ឯកឧត្តម ចាយ បូរិន ណែនាំដល់អ្នកសង្កេតការណ៍បោះឆ្នោតនៅស្រុកមេមត់ ខេត្តត្បូងឃ្មុំ​ គោរពក្រមសីលធម៌__ ប្រជាពលរដ្ឋស្រុកថ្មគោល ខេត្តបាត់ដំបង ប្រាប់តំណាងរាស្រ្តថា គោរពស្រឡាញ់ការលះបង់​ សម្តេច ហ៊ុន សែន ក្នុងបុព្វហេតុជាតិ​ និងពលរដ្ឋ__ សម្តេចប្រធានរដ្ឋសភា អំពាវនាវដល់ពលរដ្ឋទៅបោះឆ្នោតថ្ងៃ២៩កក្កដាអោយបានគ្រប់គ្នា__ សេចក្តីជូនដំណឹង រដ្ឋសភានឹងបន្តសម័យប្រជុំលើកទី១០​ នីតិកាលទី៥ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨__ សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់! ៕


ទំព័រមុខ » គណៈកម្មការទី៩ » សកម្មភាព » គណៈកម្មការជំនាញរដ្ឋសភា និងតំណាងរាជរដ្ឋាភិបាលបានបញ្ចប់ការពិនិត្យ សិក្សា សេចក្តីព្រាងច្បាប់ស្តីពី ឧបាស្រ័យពាណិជ្ជកម្ម
គណៈកម្មការជំនាញរដ្ឋសភា និងតំណាងរាជរដ្ឋាភិបាលបានបញ្ចប់ការពិនិត្យ សិក្សា សេចក្តីព្រាងច្បាប់ស្តីពី ឧបាស្រ័យពាណិជ្ជកម្ម
រៀបរៀងដោយ ៖​ NA1472 ​ នៅថ្ងៃទី (7/13/2017 12:49:45 AM )

គណៈកម្មការសាធារណការ ដឹកជញ្ជូន ទូរគមនាគមន៍ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃរដ្ឋសភា បានប្រជុំពិនិត្យ សិក្សា សេចក្តីព្រាងច្បាប់ស្តីពី ឧបាស្រ័យពាណិជ្ជកម្ម ជាមួយតំណាងរាជរដ្ឋាភិបាល នាព្រឹកថ្ងៃទី១១ ខែកក្កដា ឆ្នាំ២០១៧នេះ និងបានឯកភាពលើខ្លឹមសារ និងទម្រង់​ច្បាប់ នៃសេចក្តីព្រាងច្បាប់នេះ ហើយបានសម្រេចបញ្ជូនសេចក្តីព្រាងច្បាប់នេះទៅកាន់ គណៈកម្មាធិការអចិន្ត្រៃយ៍រដ្ឋសភា ដើម្បីបញ្ចូលក្នុងរបៀបវារៈសម័យប្រជុំរដ្ឋសភា នាពេលខាងមុខ។

កិច្ចប្រជុំនេះ ភាគីរដ្ឋសភាដឹកនាំដោយ លោកជំទាវ និន សាផុន ប្រធានគណៈកម្មការសាធារ​ណការ ដឹកជញ្ចូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀប​ចំ​ដែនដី នគរូបនីយកម្ម និងសំណង់នៃរដ្ឋសភា។ ចំណែកភាគីតំណាងរាជរដ្ឋាភិបាល ដឹកនាំដោយ ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម

ឯកឧត្តម ម៉ៅ ថូរ៉ា បានមានប្រសាសន៍ថា សេចក្តីព្រាងច្បាប់ ស្តីពីឧបាស្រ័យពាណិជ្ជកម្មត្រូវបានរៀបចំឡើង ដើម្បីការពារផលិតកម្ម និងឧស្សាហកម្ម នៅក្នុងប្រទេសកម្ពុជា ពីផលប៉ះពាល់នៃការ​លក់បន្ទាបថ្លៃខុសប្រក្រតី។ សេចក្តីព្រាងច្បាប់នេះ ក៏ជាយន្តការសំខាន់ ក្នុងការផ្តល់ទំនុកចិត្តដល់អ្នក វិនិយោគទុនទំាងឡាយដែលរកស៊ីនៅកម្ពុជា ពីព្រោះថាសេចក្តីព្រាងច្បាប់នេះ នឹងក្លាយជាឧបករណ៍សំខាន់មួយ ដើម្បីធានាដល់ការប្រកួតប្រជែង ប្រកបដោយភាពសុចរិតនិងស្មោះត្រង់។

លោកជំទាវ និន សាផុន បានថ្លែងអំណរគុណដល់រាជរដ្ឋាភិបាល ពិសេសក្រសួងពាណិជ្ជកម្មផ្ទាល់តែម្តង ដែលបានខិតខំកែលម្អ ក៏ដូចជាបង្កើត ច្បាប់នានា ដែលមានសារៈសំខាន់ ក្នុងការជំរុញវិស័យពាណិជ្ជកម្មជាតិឲ្យមានការរីកចម្រើន និងបានទាក់ទាញអ្នកវិនិយោគពីបរទេសមកបណ្តាក់ទុន នៅកម្ពុជាកាន់តែច្រើនឡើង។

លោកជំទាវបានគូសបញ្ជាក់ថា កម្ពុជាជាប្រទេសមួយដែលមានច្បាប់ និងសក្តានុពលជាច្រើននៅក្នុងការវិនិយោគ ហើយគណៈកម្មការជំនាញរដ្ឋសភា បានគំាទ្រសេចក្តីព្រាងច្បាប់ស្តីពី ឧបាស្រ័យពាណិជ្ជកម្មនេះ។

នៅក្នុងការពិភាក្សាយ៉ាងលម្អិតជាមួយតំណាងរាជរដ្ឋាភិបាលនាពេលនេះ មានការសួរ និងបកស្រាយ ឆ្លើយបំភ្លឺលើបញ្ហាមួយចំនួន។ សេចក្តីព្រាងច្បាប់ ស្តីពីឧបាស្រ័យពាណិជ្ជកម្មមាន៦ជំពូក និង៤៥មាត្រា។ លោកជំទាវប្រធានគណៈកម្មការជំនាញនៃរដ្ឋសភា បានបញ្ជាក់ថា បន្ទាប់ពីការពិនិត្យ សិក្សា នៅពេលនេះទៅ គណៈកម្មការសាធារណការ ដឹកជញ្ជូន ទូរគម​នាគមន៍ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃរដ្ឋសភា នឹងបញ្ជូនសេចក្តីព្រាងច្បាប់នេះ ទៅកាន់គណៈកម្មាធិការអចិន្ត្រៃយ៍រដ្ឋសភាវិញ ដើម្បីសម្រេចបញ្ចូលក្នុងរបៀបវារៈសម័យប្រជុំ រដ្ឋសភានាពេលខាងមុខ៕

អត្ថបទនិងរូបភាពដោយនាយកដ្ឋានព័ត៌មាន