សេចក្តីជូនដំណឹង របស់ អគ្គលេខាធិការដ្ឋានរដ្ឋសភា ថ្ងៃសុក្រ ទី២៣ ខែកុម្ភៈ ឆ្នាំ២០១៨__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ សារលិខិតរំលែកទុក្ខ ជូនចំពោះ ឯកឧត្តម ស្រ៊ុន តារា និងក្រុមគ្រួសារ__ ថ្នាក់ដឹកនាំ និងមន្រ្តីអង្គការមនុស្សធម៌ People for Care Learning ស្វែងយល់ពីតួនាទីភារកិច្ចរដ្ឋសភា__ ឯកអគ្គរដ្ឋទូតសាធារណរដ្ឋកូរ៉េស្នើសុំសម្តេចប្រធានរដ្ឋសភាគំាទ្រគោលនយោបាយអាស៊ីខាងត្បូងរបស់ខ្លួន__ រដ្ឋសភាផ្តើមប្រជុំពិភាក្សានិងអនុម័តសេចក្តីព្រាងច្បាប់ស្តីពី វិសោធនកម្មមាត្រាខ្លះ នៃរដ្ឋធម្មនុញ្ញ __ សេចក្តីប្រកាសព័ត៌មានស្តីពី លទ្ធផលនៃកិច្ចប្រជុំគណៈកម្មាធិការអចិន្រ្តៃយ៍រដ្ឋសភា ថ្ងៃពុធ​ ទី១៤ ខែកុម្ភៈ ឆ្នាំ២០១៨ ៕


ទំព័រមុខ » គណៈកម្មការទី៤ » សកម្មភាព » ឯកឧត្តម ឈាង វុន ដឹកនាំគណៈប្រតិភូបំពេញទស្សនកិច្ចនៅប្រទេសថៃ ដើម្បីពង្រឹងកិច្ចសហប្រតិបត្តិការរដ្ឋសភាប្រទេសទំាងពីរ និងស្វែងរកការគំាទ្រពីសភាថៃ ជួយគំាពារពលករខ្មែរ
ឯកឧត្តម ឈាង វុន ដឹកនាំគណៈប្រតិភូបំពេញទស្សនកិច្ចនៅប្រទេសថៃ ដើម្បីពង្រឹងកិច្ចសហប្រតិបត្តិការរដ្ឋសភាប្រទេសទំាងពីរ និងស្វែងរកការគំាទ្រពីសភាថៃ ជួយគំាពារពលករខ្មែរ
រៀបរៀងដោយ ៖​ NA0989 ​ នៅថ្ងៃទី (8/8/2016 8:09:39 PM )

ឯកឧត្តម ឈាង វុន ប្រធានគណៈកម្មការកិច្ចការបរទេស សហប្រតិបត្តិការ អន្តរជាតិឃោសនាការ​ និងព័ត៌មាន នៃរដ្ឋសភា និងប្រធានក្រុម មិត្តភាពសភាកម្ពុជា​​-ថៃ បានដឹកនាំគណៈប្រតិភូអញ្ជើញទៅបំពេញទស្សនកិច្ចផ្លូវការ និងមិត្តភាព នៅព្រះរាជាណា​​ចក្រថៃ ចាប់ពីថ្ងៃទី៨ ដល់ទី១២ ខែសីហា ឆ្នាំ២០១៦។

គណៈប្រតិភូបានចាកចេញពីប្រទេសកម្ពុជា នាព្រឹកថ្ងៃទី៨ ខែសីហា ឆ្នាំ២០១៦នេះ តាម យន្តហោះ។ នៅក្នុងដំណើរបំពេញទស្សនកិច្ចដើម្បី ពង្រឹងពង្រីកកិច្ចសហប្រតិបត្តិការ រវាងរដ្ឋសភាកម្ពុជានិងថៃ នាពេលនេះគណៈប្រតិភូគ្រោងជួបសម្តែងការគួរសម និងពិភាក្សាការងារជា​មួយ ឥស្សរជន ថ្នាក់ដឹកនាំសំខាន់ៗ នៃស្ថាប័ននីតិប្បញ្ញត្តិ និងនីតិប្រតិបត្តិ នៃព្រះរាជាណាចក្រថៃ ក្នុង​នោះគ្រោងជួបសម្តែងការគួរសម និងពិភាក្សាការងារ ជាមួយ ឯកឧត្តម ឧបនាយករដ្ឋមន្ត្រីប្រ​ទេស​​ថៃ ឯកឧត្តមរដ្ឋមន្ត្រីក្រសួងបរទេសថៃ និងជួបពិភាក្សាការងារជាមួយ ឯកឧត្តមប្រធានក្រុមមិត្តភាព សភាថៃ-កម្ពុជា ឯកឧត្តមប្រធានគណៈកម្មការនីតិកម្ម នៃរដ្ឋសភា ប្រទេសថៃ ជា​​ដើម។

ទន្ទឹមនឹងនេះ គណៈប្រតិភូរដ្ឋសភាកម្ពុជាដែលដឹកនាំដោយ ឯកឧត្តម ឈាង វុន ក៏គ្រោងទៅជួបសំណេះសំណាលសាកសួរសុខទុក្ខជាមួយពលករ ខ្មែរដែលកំពុងធ្វើការនៅប្រទេសថៃផង​​​ដែរ។

ជាការកត់សម្គាល់នៅក្នុងដំណើរទស្សនកិច្ចនេះ ក្រៅពីការពង្រឹងពង្រីកកិច្ចសហប្រតិ​បត្តិ​ការ រវាងរដ្ឋសភាប្រទេសកម្ពុជានិងថៃនោះ ក៏ជាឱកាសមួយ ដែលគណៈប្រតិភូរដ្ឋសភាកម្ពុជាស្វែងរកកិច្ចសហប្រតិបត្តិការពីរដ្ឋសភានៃព្រះរាជាណាចក្រថៃ ក្នុងការជួយគំាពារដល់ពលករខ្មែរ ដែល​កំពុងធ្វើការ នៅប្រទេសថៃនេះដែរ។ ក្នុងការគិតគូរជាខ្លាំងចំពោះពលករខ្មែរ ឯកឧត្តម ឈាង​ វុន នឹងលើកយកបញ្ហាពលករខ្មែរនេះ នៅក្នុងជំនួបពិភាក្សាការងារ ជាមួយភាគីថៃ៕

អត្ថបទនិងរូបភាព នាយកដ្ឋានព័ត៌មាន

វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ព្រះរាជាណាចក្រកម្ពុជា
ទូរសព័្ទ ​លេខ: (855-23) 213 535, 220 628 ទូរសារ: (855-23)220 629
សារអេឡិចត្រូនិច: sg@national-assembly.org.kh, sg@nac.org.kh
គេហទំព័រ www.national-assembly.org.kh, www.nac.org.kh